ലാപുടയെക്കുറിച്ചും ബുക്ക് റിപ്പബ്ലിക്കിനെക്കുറിച്ചും

ആസ്വാദനക്കുറിപ്പുകള്‍

• നിലവിളിയെക്കുറിച്ചുള്ള കടങ്കഥകള്‍ -പി പി രാമചന്ദ്രന്‍
• അറിവിന്റെ ആകൃതിയുള്ള കവിതകള്‍ - വിഷ്ണു പ്രസാദ്
• വായനയുടെ പരോളുകള്‍ -ജി.പി.രാമചന്ദ്രന്‍
• വെയില്‍ നേരെ വീഴ്ത്താനുള്ള ശ്രമങ്ങള്‍ -The Prophet Of Frivolity
• വാക്കുപൊഴിയുമ്പോള്‍ ബാക്കിയാവുന്നത് - ഹരിതകത്തില്‍ പ്രമോദ്
• ‍കവിത പറക്കുന്ന ദൂരങ്ങള്‍ - വെള്ളെഴുത്ത്
• ലാപുട സൂചിപ്പിക്കുന്നത് - വിശാഖ് ശങ്കര്‍
• വിരസതക്ക് വിശക്കുമ്പോള്‍ - സനാതനന്‍
• ഓര്‍മ്മകളുടെ ഒരു നനവുകാലം -സിദ്ധാര്‍ത്ഥന്‍

വാര്‍ത്തകള്‍

• A novel venture in publishing - The Hindu
• വായനയുടെ റിപ്പബ്ലിക് - e പത്രം
• ബ്ളോഗിലെ കൂട്ടായ്മ പുസ്തക പ്രസാധന രംഗത്തേക്കും -ദേശാഭിമാനി
• ബുക്ക് റിപ്പബ്ലിക് - ഒരു സമാന്തര പുസ്തക പ്രസാധന-വിതരണ സം‌രംഭം - നാട്ടുപച്ചയില്‍ ദേവദാസ്

ബന്ധപ്പെട്ട് മറ്റു ബ്ലോഗ് പോസ്റ്റുകള്‍

• ബുക്ക് റിപബ്ലിക്ക്: ബ്ലോഗർമാരുടെ സംരഭം -B.R.P.Bhaskar
• ബുക്ക് റിപ്പബ്ലിക്ക് -അനോമണി
• റിപ്പബ്ലിക്കൻ ബുസ്തകം -പച്ചപ്പായല്‍
• ബുക്ക് റിപബ്ലിക് ബുക്ക് റിപബ്ലിക് ബുക്ക് റിപബ്ലിക് ബുക്ക് റിപബ്ലിക്ക് ബുക്ക് റിപബ്ലിക്ക് -എതിരന്‍ കതിരവന്‍
• അതിശയിപ്പിക്കുന്ന ചില ഒച്ചകള്‍ -Visala Manaskan
• ചില സംഘഗാനങ്ങള്‍..!! -Kiranz
• ത്രീ ചിയേഴ്സ് -മയൂര
• ജനാധിപത്യത്തിന്റെ ധവള ചിഹ്നങ്ങള്‍ -sreeni sreedharan
• ഇനി ഒരു കടങ്കഥ പറയാം -ഡാലി
• ഓർമ്മകളുടെ ഒരു നനവുകാലം - സിദ്ധാർത്ഥൻ‍
• കുതിച്ചുചാട്ടത്തിലേയ്ക്കു നീളുന്ന കാൽ‌വെയ്പുകൾ-ഉമേഷ്
• അമ്പരിപ്പിക്കുന്ന അര്‍ഥങ്ങള്‍ നിറഞ്ഞത്‌ - vadavosky
  കുഞ്ഞനുറുമ്പുകള്‍! -Inji Pennu
• വാക്കിലൊതുങ്ങാത്ത നിലവിളികള്‍ -sree
• ഒഴിവിടങ്ങളെപ്പറ്റി പറഞ്ഞവൻ -പ്രശാന്ത് കളത്തില്‍
• റിപ്പബ്ലിക്കുകളുടെ കാലം -യാരിദ്‌
• റിപ്പബ്ലിക്കാവുന്നു...... -രണ്‍ജിത് ചെമ്മാട്
• ഒരു പൂവ്‌ വിരിയിമ്പോള്‍ - സിജി
• അതിശയങ്ങള്‍ കടഞ്ഞെടുക്കുന്ന ഒരാള്‍ -ഗുപ്തന്‍
• കടങ്കഥകളെക്കുറിച്ചുള്ള ഓർമ്മകൾ... -റോബി
• റിപ്പബ്ലിക്കുകള്‍ ഉണ്ടാവുന്നത് -വെള്ളെഴുത്ത്
• ബുക്ക് റിപ്പബ്ലിക്കേഷന്‍ -ഹരിയണ്ണന്‍
• ബ്ലോഗ് കൂട്ടായ്മക്ക് ഭാവുകങ്ങള്‍ -മൂര്‍ത്തി
• നെറ്റിൽനിന്നും പുറംലോകത്തേയ്ക്ക് ‘ലാപുട’ -ഭൂമിപുത്രി
• വാക്കുകളുടെ പെരുങ്കല്ലുകള്‍ -ദസ്തക്കിര്‍
• ലാപുടയുടെ പുസ്തകം സിമി
• പുസ്തകം - പ്രകാശനം ലാപുട

പുസ്തകത്തേയും പ്രസാകധരെയും കുറിച്ച് കൂടുതല്‍ വാര്‍ത്തകള്‍

• ഹരിതകത്തില്‍ പ്രമോദ്. കെ.എം. എഴുതിയ ലേഖനം: വാക്കുപൊഴിയുമ്പോള്‍ ബാക്കിയാവുന്നത്
• നാട്ടുപച്ചയില്‍ ദേവദാസ് എഴുതിയ കുറിപ്പ്

ബുക്ക് റിപ്പബ്ലിക്: ആദ്യ പുസ്തകത്തിന്റെ ഒരുക്കങ്ങള്‍

ഇന്റർനെറ്റ് വഴി പരിചയപ്പെട്ട ഒരു കൂട്ടം മലയാളികൾ ചേർന്ന് രൂപം നൽകിയ സമാന്തര പുസ്തക പ്രസാധന-വിതരണ സം‌രംഭമാണ്‌ "ബുക്ക് റിപ്പബ്ലിക്". അച്ചടിമലയാളത്തിലേയ്ക്ക് പ്രതിഭാധനരായ എഴുത്തുകാരെ കൊണ്ടുവരിക, വികേന്ദ്രീകൃതമായ ഒരു വിതരണ സംവിധാനം നടപ്പിലാക്കുക എന്നിവയാണ് ഈ സംരംഭത്തിന്റെ ലക്ഷ്യങ്ങൾ. അച്ചടിച്ചിലവുകൾ, വിതരണം തുടങ്ങി എഴുത്തുകാരന് നിലവിൽ നേരിടേണ്ടിവരുന്ന പ്രധാന വെല്ലുവിളികളെ ലഘൂകരിക്കും വിധമാണ് ബുക്ക് റിപ്പബ്ലിക് എന്ന ആശയം രൂപീകരിച്ചിരിക്കുന്നത്. സംരംഭത്തിനാവശ്യമായ മൂലധനം അംഗങ്ങളിൽ നിന്ന് ചെറിയ തുകകളായാണ് സമാഹരിക്കപ്പെടുന്നത്. വിതരണം പ്രധാനമായും അംഗങ്ങൾ വഴിയാണ് നടക്കുന്നത്. ഇതിനുപരിയായി പരമ്പരാഗത വിതരണ സമ്പ്രദായങ്ങൾ, ഓൺലൈൻ ബുക്കിംഗ് എന്നീ മാർഗങ്ങളും അവലംബിക്കുന്നു. സൃഷ്ടിയുടെ തിരഞ്ഞെടുപ്പ്, അച്ചടിയ്ക്കുന്നതിനു മുന്നെയുള്ള സാങ്കേതിക പ്രവർത്തനങ്ങൾ, അച്ചടി, പ്രകാശനം, പരസ്യ-വിതരണ ദൌത്യം എന്നിങ്ങനെ ഒരു പുസ്തകം പുറത്തിറങ്ങുന്നതുവരെയുള്ള എല്ലാ ഘട്ടങ്ങളിലും ജനാധിപത്യ മര്യാദകളനുസരിച്ച് ഉത്തരവാദിത്വങ്ങൾ സ്വയമേറ്റെടുക്കുന്ന ഒരു വായനാക്കൂട്ടമായി ബുക്ക് റിപ്പബ്ലിക്കിന്റെ വിശേഷിപ്പിക്കാം.

മേൽ‌പ്പറഞ്ഞ ആശയങ്ങളിന്മേലുള്ള ചർച്ചകളിൽ ഉരുത്തിരിഞ്ഞു വന്ന അഭിപ്രായപ്രകാരം ബുക്ക് റിപ്പബ്ലിക്കിൽ നിന്നുള്ള ആദ്യപുസ്തകമായി ടി.പി. വിനോദിന്റെ (ലാപുട എന്ന പേരില്‍ ബ്ലോഗെഴുതുന്നു) 'നിലവിളിയെക്കുറിച്ചു കടങ്കഥകൾ' എന്ന പേരിൽ അറുപതോളം കവിതകളുടെ ഒരു സമാഹാരം പുറത്തിറക്കുകയാണ്. ഇതിനായുള്ള കവർ, ലേ-ഔട്ട് പണികൾ അണിയറയിൽ പുരോഗമിക്കുന്നു. പുതുവർഷാരംഭത്തോടെ പുസ്തകം ലഭ്യമാകുന്നതായിരിക്കും. പുസ്തകം വായനക്കാർക്കു പരിചയപ്പെടുത്തുന്നതിനും, ബുക്കിംഗ് നടത്തുന്നതിനുമായി http://lapudabook.com/ എന്ന ഒരു സൈറ്റ് പ്രവർത്തിച്ചു തുടങ്ങിയിട്ടുണ്ട്.

ആദ്യപുസ്തകവും രചയിതാവുംതെക്കൻ കൊറിയയിലെ രസതന്ത്ര ഗവേഷണ വിദ്യാർത്ഥിയും, ലാപുട (http://lapuda.blogspot.com/) എന്ന പേരിൽ മലയാളം ബ്ലോഗെഴുത്തുകാരനുമായ ടി.പി. വിനോദിന്റെ ആദ്യകവിതാ സമാഹാരമാണ് 'നിലവിളിയെക്കുറിച്ചു കടങ്കഥകൾ'. കണ്ണൂർ സ്വദേശിയായ വിനോദിന്റെ രചനകൾ ആനുകാലികങ്ങളിൽ ശ്രദ്ധയാകർഷിച്ചിട്ടുണ്ട്. കാവ്യഘടനയ്ക്കുമേലുള്ള തനതു വൈദഗ്ദ്ധ്യം വിനോദിന്റെ ശൈലിയുടെ മുഖമുദ്രയാണ്‌. ഓർമ്മയ്ക്കും ചരിത്രത്തിനുമിടയിൽ കുതറുന്ന അവസ്ഥയിൽ സ്ഥലകാലങ്ങളെ സൂചിപ്പിക്കുന്ന വിധം വാക്കുകളുടെ പളുങ്കുകൾ കൊണ്ട് കരകൌശല വിദഗ്ദ്ധനെപ്പോലെ മനോഹരമായ സൃഷ്ടികൾ നടത്തുന്ന കവി കാലിക രാഷ്‌ട്രീയത്തിന്റെ പ്രതലത്തിലാണ് വായനക്കാരനെ നയിക്കുന്നത്. മുനകൂര്‍പ്പിച്ച വാക്കുകളും വരികളുമാണ് വിനോദിന്റേത്. ചുരുക്കം വാക്കുകള്‍ കൊണ്ട് വായനക്കാരന്റെ മനസ്സില്‍ വലിയ ചിത്രങ്ങള്‍ വരയ്ക്കുന്ന കലാകാരനാണ് വിനോദ്. മലയാളം ബ്ലോഗില്‍ വിനോദിന്റെ കവിതകള്‍ പലപ്പൊഴും നിരൂപകശ്രദ്ധയാകര്‍ഷിച്ചിട്ടുണ്ട്. വിനോദിന്റെ തിരഞ്ഞെടുത്ത കവിതകള്‍ http://lapudabook.com/ എന്ന വിലാസത്തില്‍ വായിക്കാം.
ബുക്ക് റിപ്പബ്ലിക്കിന്റെ പ്രവർത്തസംബന്ധിയായ വിവരങ്ങൾ ഈ ബ്ലോഗിൽ സമയാസമയം ലഭ്യമാക്കുന്നതാണ്. bookrepublic@gmail.com എന്ന മെയിൽ വിലാസം വഴി ബുക്ക് റിപ്പബ്ലിക്കുമായി ആശയവിനിമയം നടത്താവുന്നതാണ്.