നല്ല പുസ്തകങ്ങളുടെ പ്രസാധനവും വിതരണവും
പരമ്പരാഗത രീതിയില് നിന്നു മാറ്റി അവതരിപ്പിച്ചുകൊണ്ട് നിലവില് വന്ന
സമാന്തര പുസ്തക പ്രസാധന സംരംഭമാണ് ബുക്ക് റിപ്പബ്ലിക്. വായാനാനുഭവങ്ങളെ
കാലോചിതമായി എങ്ങനെ മാറ്റിമറിക്കാം എന്ന ലക്ഷ്യവുമായി മുന്നോട്ട്
വന്നിരിക്കുന്ന ഒരു കൂട്ടം ബ്ലോഗ്ഗര്മാര് ചേര്ന്ന് രൂപം നല്കിയ ബുക്ക്
റിപ്പബ്ലിക്കിന്റെ മൂന്നാമത്തെ പുസ്തകം, ജ്യോനവന് എന്ന ബ്ലോഗര് നാമത്തില്
നവീന് ജോര്ജ്ജ് എഴുതിയ കവിതകള് ജൂലൈ ഇരുപത്തൊന്നാം തീയതി ശനിയാഴ്ച
വൈകുന്നേരം മൂന്നു മണിയ്ക്ക് കോഴിക്കോട് മാനാഞ്ചിറ സ്ക്വയറിലുള്ള സ്പോര്ട്സ് കൗണ്സില് ഹാളില് വച്ച് പ്രകാശനം ചെയ്യും. പ്രസാധന- വിതരണ പ്രവര്ത്തനങ്ങള്
വികേന്ദ്രീകൃതമാക്കുക എന്ന ലക്ഷ്യം മുന്നില് കണ്ട് പ്രവര്ത്തിക്കുന്ന
ബുക്ക് റിപ്പബ്ലിക് മൂലധനം സമാഹരിക്കുന്നത് അംഗങ്ങളില് നിന്നും
ചെറുതുകകളായാണ്. വിതരണവും പ്രധാനമായും അംഗങ്ങള്
വഴിയാണ് നടത്തുന്നത്. ടി.പി വിനോദിന്റെ 'നിലവിളിയെ കുറിച്ചുള്ള
കടങ്കഥകള്’ (കവിതാ സമാഹാരം), വി.എം ദേവദാസിന്റെ ‘ഡില്ഡോ - ആറു
മരണങ്ങളുടെ പള്പ്ഫിക്ഷന് പാഠപുസ്തകം’ (നോവല്) എന്നിവയാണ് ബുക്ക്
റിപ്പബ്ലിക്ക് പ്രസാധനം ചെയ്ത മറ്റു പുസ്തകങ്ങള്
ഇരുപത്തൊന്നാം തീയതി ശനിയാഴ്ച വൈകുന്നേരം നടക്കുന്ന പ്രകാശനച്ചടങ്ങില് ശിഹാബുദ്ദീന് പൊയ്ത്തുംകടവ്, ഗോപീകൃഷ്ണന്, അന്വര് അലി, ശ്രീകുമാര് കരിയാട്, എസ്. കണ്ണന്, വിഷ്ണുപ്രസാദ്, സനല് ശശിധരന് എന്നിവരും ബുക്ക് റിപ്പബ്ലിക് പ്രവര്ത്തകരും പങ്കെടുക്കും. ബുക്ക് റിപ്പബ്ലിക് പ്രസാധനം ചെയ്ത പുസ്തകങ്ങളുടെയും പ്രദര്ശനവും വില്പ്പനയും അന്നേ ദിവസം നടക്കും.
നവീന് ജോര്ജ്ജ്
(ജനനം: 14 മാര്ച്ച് 1980, മാങ്ങോട് - മരണം: 3 ഒക്ടോബര് 2009, കുവൈറ്റ്)
വത്സമ്മയുടെയും
ജോര്ജ്ജിന്റെയും മകനായി കാസറഗോഡ് ജില്ലയിലെ മാങ്ങോട് ജനനം. നോഷിന,
നെല്സന്, നിതിന് എന്നിവര് സഹോദരങ്ങളാണ്. വരക്കാട് ഹൈസ്കൂള്, എടത്വ
സെന്റ്.അലോഷ്യസ് കോളേജ്, കെ.വി.ജി. പോളി ടെക്നിക് സുള്യ എന്നിവിടങ്ങളില്
വിദ്യാഭ്യാസം. പൊട്ടക്കലം എന്ന ബ്ലോഗില് ജ്യോനവന് എന്ന പേരില് കവിതകള്
എഴുതി. കഥകള് പുഴ.കോമില് പ്രസിദ്ധീകരിച്ചിട്ടുണ്ട്. കുവൈറ്റിലെ ഒരു
സ്വകാര്യ സ്ഥാപനത്തില് ഡ്രാഫ്റ്റ്സ്മാനായി ജോലി ചെയ്തുവരികയായിരുന്നു.
2009 സെപ്റ്റംബർ ഇരുപതിന് സംഭവിച്ച കാറപകടത്തില് ഗുരുതരമായി പരിക്കേറ്റ്
അബോധാവസ്ഥയിലായി. ഒക്ടോബര് മൂന്നിന് കുവൈറ്റിലെ അദാന്
ആശുപത്രിയില് വെച്ച് അകാലമരണമടഞ്ഞു.
7 comments:
ജ്യോനവന്റെ കവിതകൾ പുസ്തകമാകുന്നു...
ഓര്മ്മ മരം നടുന്നു
ജ്യോനവന്റെ കവിതകള്..., മരണം കൈയ്യൊപ്പ് വെച്ച ജീവിതത്തിന്റെ പുസ്തകം!
ഹൃദയത്തില് ചേര്ത്ത് വെക്കുവാന് ഒരു പുസ്തകം കൂടെ.. പ്രിയ ജ്യോനവന്, താങ്കള് മരിക്കുന്നില്ല. ഞങ്ങളുടെയൊക്കെ ഹൃദയത്തില് ജീവിക്കുകയാണ് എന്ന പതിവ് ക്ലീഷേ പറയാന് തോന്നുന്നില്ല. മറിച്ച് താങ്കളുടെ കവിതകളിലൂടെ താങ്കള് ഒരു കാലത്തും മരണപ്പെടില്ല എന്ന് പറയട്ടെ. ആ കവിതകള് അച്ചടിക്കപ്പെടുമ്പോള് അഭിമാനത്തോടെ അതിന്റെ ഒരു പ്രതി കൈപ്പറ്റുവാന് ആഗ്രഹിക്കുന്നു. വിലാസം മെയിലില് തരാം Devadas V.M | ദേവദാസ് വി.എം
മരിക്കാത്ത സ്മരണകള്..
ജ്യോനവന് ഒരു അക്ഷരാഞ്ജലിയായ് ജ്യോനവന്റെ കവിതാ സമാഹാരം
ജോനവന് കവിതയിലൂടെ ജീവിക്കുന്നു.
Post a Comment